甚麼是錢?

唔同人有唔同答案

有人會話美金,港幣,黃金, 又可以係(古時代)貝殼,乳牛,奴隸…

依家社會對錢的理解應為有三個作用: 交易買賣 (medium of exchange); 價值儲存 (store of value);  記帳單位 (unit of account)

記帳單位可以係重量: gram/oz ; 又可以係政府/發行機構所印刷的單位: $1, $10. 共通點就係一個統一的單位, 如果唔係就會有交易成本(cost)令交易困難. 請想像一串魚蛋, 如果有啲係有六粒有啲只有五粒或者有啲魚蛋係大啲有啲係細啲. 大家只會想要又大粒又多啲嗰串魚蛋; 要選又要講數浪費時間. 所以統一單位對大家都有好處.

交易買賣係錢最重要/主要既作用, 我哋日常生活都會用錢交易. 早午晚三餐, 工作/出糧, 買野賣野. 以物換物唔係冇但好少係我哋生活中發生.  我有蘋果但想要雞蛋, 但雞農唔食蘋果咁點? 變左一定要搵一個鍾意食蘋果既雞農.  錢既出現令買賣交易容易好多.

價值儲存係錢既第二個功能, 錢之所以可以交易買賣係因為佢有價值, 佢的價值係來自人們相信自己手頭上的錢將來會有的購買力 (可以購買到的用品價格).蘋果農夫賣出蘋果換來一張金牛($1000), 佢之所以接受唔係因為張紙係金色, 而係佢知道張金牛可以換到x數量的雞蛋.