如果黃金係錢 (部分準備金銀行製度篇)

美國:
如果美國政府想發行美元,首先政府要發債券,將啲債券存入比美聯儲(US FED). 美聯儲可以話係美國政府的銀行, 政府稅收係存入美聯儲, 出糧比工務原又係美聯儲, 要借錢都係去美聯儲. 美聯儲收到啲債券就發行(印)美元(Federal Reserve Notes), 如果收到$10債佢係可以發行$100實體美元, 係債券的十倍/只需要一成儲備. 這$100實體美元唔係政府的, 係美聯儲自己既, 美聯儲再將這就$100實體美元借比政府,去應付日常需要(出糧/支出). 話明美聯儲借比美國政府就好明顯係有息收啦, 要還息就要再借, 所以係永遠還唔到. 如果美國政府自己發行錢唔係問美聯儲借, 美國債務會係現時的40%. 為甚麼會多咗60%? 就係因為複息(compound interest). 複息就係存$100落銀行, 銀行一年後比$2利息你, 再一年後比$2.04, 再一年係$2.08. 睇落唔係好多但只要時間越長複息威力越勁!!! 美聯儲1913年成立, 如果係個年問美聯儲借$100, 利息2利, 到2012年負責係$696.33, 這只是假設之後唔再借, 只要借得越多欠得越多.

美國政府的支出最後都係留落去民間銀行. 銀行收到啲實體美元就可以借錢出去. 但最多可以借自己存款10倍的錢出去, 一樣係一成儲備. 但所借出去的美元唔係實體美元, 為甚麼呢? 因為美國銀行唔可以印錢. 你會問唔可以印錢點可以借自己存款10倍的錢出去呢? 答案就係只要唔係實體美元就冇問題啦, 只需要電腦記錄. 你要買樓, 冇人會係銀行帳戶提走一百萬交比賣家, 賣家再將一百萬存入自己銀行帳戶. 通常都係支票/過數, 係唔會真係用到實體美元. 如果有個傻仔真係要一百萬實體美元, 只要銀行有, 銀行都可以將啲錢交比個傻仔, 如果無就要佢等吓, 問美聯儲印. 這個世界係永遠唔會唔夠錢因為只要有紙同墨水就可以印美元. 嗰層樓一百萬成交買家銀行A只需要將當天同銀行B金錢往來做個總數. 如果係負數就要比錢銀行B, 係正數就等銀行B比錢. 只要大家條數係一樣就無問題, 假如係負數就同美聯儲講聲, 美聯儲就會將銀行A戶口啲錢過比銀行B. 每一間銀行都會係美聯儲有戶口, 所以冇必要用到實體美元, 由銀行A去銀行B再去銀行C. 美聯儲都唔需要實體美元, 只需要係電腦做記錄就得啦, 所以民間銀行要發行錢係唔需要實體美元.

香港:
香港有三間發鈔銀行: 滙豐, 渣打, 同中銀香港. 港元匯價係與美元掛鈎, 可以作有限度的自由浮動 $7.75-$7.85港元對$1美元. 香港香港金融管理局要求銀行要有兩成半儲備. 如果有人將$100美存入香港, 香港三間發鈔銀行係可以印$775-$785港元, 再放大4倍就會有$3100-$3140港元. 但這些港元都可以係實體因為三間發鈔銀行係可以自己印, 一樣只要紙同墨水係永遠唔會唔夠港元用. 其它銀行想要實體港元就要比錢加小小手續費就可以將自己的電腦記錄變成實體錢. 其他同美國無咩分別...