如果黃金係錢

好多金甲蟲或手上有黃金的人都好想返去金本位, 就算唔係金本位都想將黃金重新納入貨幣系統, 到時政府要發行錢就要高價購買佢地手上的黃金. 好啦當黃金係錢, 但人的本性係會想現在得到一啲自己買唔起的東西, 好似電話, 車, 樓, 冇錢唯有借啦, 唔通打劫咩.  但大家有冇想過如果黃金係錢會發生啲咩事…

第一黃金/白銀係硬錢(hard money), 紙/數碼錢係軟錢(soft money). 硬唔係因為啲金/銀硬, 軟唔係因為啲紙軟. 硬錢 (hard money) 意思係“hard to get”, 好難得到, 反意係 “easy to get” 反意詞係soft,  所以先會有軟錢(soft money). 請想像大家的日常生活, 出糧之後要交租/供樓, 之後交通/車, 食 同娛樂. 餘數(估計係10%)唔係儲蓄就係投資. 係我角度睇黃金係用途儲蓄, 係收入的一小部份, 只要這一小部份 10%係可以買到實物黃金/白銀就得啦.其餘90%最後都唔係入我袋, 佢係紙錢, 係金, 係銀, 係咩都好對我冇分別都唔係我的. 

如果錢係黃金, 硬資產係難得到的, 將會帶來通貨緊縮(deflation). 當經濟向好, 生產力提高, 生產的物品多左, 但黃金要開採唔係印就有. 錢難得到所以對比物品係值錢啲, 物價下跌. 大家想唔想像到年年唔會有人工加, 可能到轉唔減就已經好好啦. 如果借左錢, 還錢係非常之辛苦, 你賺左一蚊, 下一蚊會比你手上的一蚊難賺, 下下一蚊會比你下一蚊難賺 etc, 無/小人會借錢, 因為太難還啦. 歷史話比我地聽硬錢的社會通常會有兩個下場: 一就係違約(default) 美國 1931年同1971年, 二就係革命(revolution)發生流血事件 法國大革命 1789-1799.